الضحكة البريئة
غرقان فى بحر دموعى وهايم
قاعد مكسور الخاطر سرحان
بنتى الأمورة الحلوة
ضحكت
ضحكة خلـِّت قلبى اتكهرب
خلتنى أنسى كل هموم الحزن
خلت قلبى
يرفرف زى الطير الفرحان
صحت فيـَّا الأمل النايم
والحلم الدبلان
ضحكة بريئة فيها كلام
بتعزف على وتر الحب الصادق
وبتنده وتقوللى يابابا
ليه مكشر شيفاك زعلان؟
لازم تضحك
علشان فينا الفرحة تعيش
لازم تهرب من كل الأحزان
بنتى الأمورة
شايفة الدنيا بلونها الوردى
مش عارفه إنى ابوها
مشغول بالأسعار الغالية
والدنيا اللى مافيها أمان
خايف ع البيت والأسرة
خايف من بكرا
خايف واحد منكم
يتعرى يجوع
أو فى طابور العيش يتهان
زحمة وكإنها غابة
وضميرنا بيصرخ فين الإنسان؟
بنتى الأمورة ندهت
وبنفس الضحكة وبكل حنان
بتقوللى يا بابا فينك سرحان؟
ربك موجود ودايم
وزمانا هيبقى أحلى زمان
رحت بسرعة ضحكت وقايم
مستغرب
طفلة بريئة بتصحى جوانا الإيمان
خلتنى أنسى كل هموم الحزن
خلت قلبى
يرفرف زى الطير الفرحان
صحت فيـَّا الأمل النايم
والحلم الدبلان
ضحكة بريئة فيها كلام
بتعزف على وتر الحب الصادق
وبتنده وتقوللى يابابا
ليه مكشر شيفاك زعلان؟
لازم تضحك
علشان فينا الفرحة تعيش
لازم تهرب من كل الأحزان
بنتى الأمورة
شايفة الدنيا بلونها الوردى
مش عارفه إنى ابوها
مشغول بالأسعار الغالية
والدنيا اللى مافيها أمان
خايف ع البيت والأسرة
خايف من بكرا
خايف واحد منكم
يتعرى يجوع
أو فى طابور العيش يتهان
زحمة وكإنها غابة
وضميرنا بيصرخ فين الإنسان؟
بنتى الأمورة ندهت
وبنفس الضحكة وبكل حنان
بتقوللى يا بابا فينك سرحان؟
ربك موجود ودايم
وزمانا هيبقى أحلى زمان
رحت بسرعة ضحكت وقايم
مستغرب
طفلة بريئة بتصحى جوانا الإيمان
